أسما شريف منير تدعم أصحاب المشروعات الصغيرة: «لازم نكون في ضهر بعض» (فيديو)

0 تعليق ارسل طباعة

لاقتراحات اماكن الخروج

دعمت الإعلامية أسما شريف منير، الشباب أصحاب المشاريع الصغيرة، وذلك من خلال دعوتها لاستقبال إعلاناتهم وطرحها على حسابها بخاصية الاستوري على انستجرام بهدف الإعلان عنهم ومساعدتهم وترويج منتجاتهم.

وشاركت «أسما» متابعيها معلقة على موقع الصور «انستجرام»: «طيب أنا بيجيلي رسايل واميلات كتير لمشاريع صغيرة أو شباب عاملين منتج أو خدمات وعايزين يبعتولي هدية عشان انزلهم ستوري أو بوست، كنوع من أنواع الدعم والدعاية، وأنا عمومًا بحب أشجع الناس اللي فعلاً مجتهدة وبتعمل حاجة هي بتحبها وشاطرة فيها، وعشان ده بيفرق في القوة الشرائية، فالو عندك منتج عايزني أتكلم عنه أو ادعمه، ابعتوا رسالة بكل التفاصيل».

وتابعت: «أول ما يوصلني المنتج لو فعلاً حلو وهستاخدمه هسوقوا عشان الباقي برضه يستفيد بمنتج حلو، ولو المنتج مش حلو هبعتلكم رأيي بكل صراحة عشان تقدروا تطوروا وتقدموا حاجة أحسن، بس من غير زعل ولا دفاع عن منتجك أنا هقولك رأيي بصراحة وفي رسالة خاصة مش في البابليك، لكن لو حلو فعلاً هستخدموا وهعمل عنه ميني ريفيو، وده من غير أي مقابل مادي، عشان أنا عارفة قد ايه ممكن يفرق مع حد بيبدأ لإني وأنا بأبدأ كان نفسي حد يعمل معايا كده، وعشان احنا شباب لازم يكون ضهرنا في ضهر بعض وندعم بعض ونساعد بعض، ربنا يوفقنا كلنا ويرزقنا الرزق الحلال الطيب، بحبكم جدًا جدًا».

  • الوضع في مصر

  • اصابات

    101,177

  • تعافي

    84,969

  • وفيات

    5,661

أخبار ذات صلة

0 تعليق