بعد إنقاذ والده.. الفنان شادي خفاجة يوجه الشكر لنقيب المهن التمثيلية والمسؤولين

0 تعليق ارسل طباعة

لاقتراحات اماكن الخروج

وجه الفنان الشاب شادي خفاجة، الشكر للدكتور أشرف زكي، نقيب المهن التمثيلية، وللحكومة والمسؤولين، بعد الاستجابة لشكواه ومساعدته في توفير رعاية صحية مناسبة لوالده، بعد أن كتب في رسالة سابقة عبر حسابه على «فيسبوك»، أن والده دخل في غيبوبة بعد تعرضه لأزمة صحية كبرى بسبب الإهمال الطبي.

وكتب «خفاجة» قبل قليل، عبر حسابه بـ«فيسبوك»: «أبويا بخير الحمد لله ياجماعة ربنا مايحرمني منكم أبدًا، أنتم ضهرنا وسندنا».

وتابع: «وبشكر السيد الدكتور أشرف ذكي، اللي مهما اتكلمت عنه مش هقدر أوفيه حقه ولا مجهوده اللي بيعمله مع كل أعضاء النقابة، وبشكر مكتب رئاسة الوزراء السيد الدكتور مصطفى مدبولي ومكتب الإعلامي لوزارة الصحة اللي ماسبونيش لحظة».

وأضاف: «وبشكر مستشار وزيرة الصحة الدكتور خالد مجاهد، ورئيس جامعة عين شمس الدكتور محمود المتيني الذي لم يبخل بمجهود أو دعم».

واختتم قائلًا: «حقيقي أنا اتصدمت من رد الفعل ومن استجابة الحكومة والوزارة.. إحنا تم استقبال الحالة وتم عمل اللازم من إدارة مستشفى معهد ناصر».

وكان «خفاجة»، قد نشر التقارير الطبية لوالده وارفق معها صورًا لجرح والده والنتيجة التي آل إليها جرح والده، وكتب: «أنا مش عاوز أبويا يموت، ارجوكم ساعدوني، امبارح ابويا بدأ يخرف ويفقد الوعي وبدأ يدخل في غيبوبة، كلمت الدكتور الجراح بتاعه بقوله ابويا بيموت، رد عليا يقولي اعمله ايه، الدكتور الجراح اللي عمل عملية ملوثة بيقول على العيان بتاعه اعمله ايه!؟، أنا ابويا بيروح مني بسبب أخطاء الأطباء».

وتابع «أبويا دخل يعمل عملية فتأ في الصدر وركب شبكة بتاريخ ٥ أغسطس بمستشفى ... ونصبوا عليا قالولي ادفع ٢٥ ألف جنيه تأمين واللي هيتبقى بنعملك بيه استرداد، فوجئت بعد العملية بفاتورة بـ٩٠ ألف جنيه، اتصرفت ومكتب رئاسة الوزراء والدكتور أشرف زكي جابولي قرار بتخفيض ٣٠٪؜ من المبلغ وكتر ألف خيرهم بأمانة وربنا يبارك فيهم».

وأضاف خفاجة «أبويا فضل يتابع مع الدكتور الجراح ... في عيادته وفي المستشفى وجرح ابويا دون تحسن مع فقدان الشهية وحالة إعياء عامة جسديا وده بسبب إن الجرح ملوث جدا من العملية، والنتيجة ان الدكتور طلب حجزه ودخوله عمليات مرة تانية في مستشفى .... مرة تانية وكلفتنا ١٠ آلاف جنيه مقابل (يوم واحد فقط) وخرج على البيت، ومن يومها الدكتور بيبعت تمريض يغير على الجرح وبيتابع معاه ولكن دون جدوى أو تحسن وده منظر الجرح والحال اللي أبويا وصل ليه».

واختتم «خفاجة» كلامه قائلًا: «أبويا حرفيا بيموت مني ومش قادر اعمل ايه انا واخواتي، احنا من امبارح في مستشفى .... لان مش هقدر ادخل تاني .... ويتعمل عليا نصباية زي كل مرة وعدى على دخول أبويا ٢٤ ساعة في ... ورامين أبويا في غرفة فيها ٦ مرضى بدون تكييف أو مروحة وده خطر جدا على الجرح في الجو ده، ومفيش لا تمريض يركب له محاليل تغذية وريدية، ولا في دكتور جراح يبص على حالة الجرح والتلوث اللي هو وصل إليه نتيجة العملية، والدكتور نفسه اللي عامل العملية مش عاوز حتى يجي يبص على الحالة بتاعته بالرغم من انه شغال برضه في مستشفى ..، ارجوكم ابويا والله هيروح مني لو مالحقتوش في الـ ٢٤ ساعة دول».

جدير بالذكر أن شادي خفاجة هو شقيق الفنان الشاب فادي خفاجة، والفنان هادي خفاجة.

  • الوضع في مصر

  • اصابات

    103,198

  • تعافي

    96,494

  • وفيات

    5,930

أخبار ذات صلة

0 تعليق